Εσύν το κομενόχρονον κορτσόπον λάλ’ μεν
και το χαϊρα̤σίσκον λάλ’ μεν κι ας λαλώ σεν.
Ας είχα και ν' εφίλνα σεν κορτσόπον λάλ’ μεν
σ’ έναν ορμάν ησύσχον λάλ’ μεν κι ας λαλώ σεν.
Μώσε θεία μώσε, μώσε παλαλός εν
Μ’έναν βούραν λεφτοκάρια λέει με έλα ας φιλώ σεν.
Αφκά σα παραθύροπα σ’ κορτσόπον λάλ’ μεν
αρ’ άμον χτήνον βράζω λάλ’ μεν κι ας λαλώ σεν.
‘ς σον τόπον ντ’ εσυντζέναμε κορτσόπον λάλ’ μεν
τερώ κι’ αναστενάζω λάλ’ μεν κι ας λαλώ σεν.
Χάϊτε ας πάμε θερίζωμε κορτσόπον λάλ’ μεν
σα ψηλά τα ραχία λάλ’ μεν κι ας λαλώ σεν.
Μακρά μακρά μη στέκομε κορτσόπον λάλ’ μεν
σύρουμ’ τη μαναχία λάλ’ μεν κι ας λαλώ σεν.
‘Ελα κάθ’κα σα γόνατα μ’ κορτσόπον λάλ’ μεν
ας πλέκω τα μαλλία σ’ λάλ’ μεν κι ας λαλώ σεν.
Ας πλέκ’ ατα ψιλά ψιλά κορτσόπον λάλ’ μεν
και σύρ’ ατα ΄ς σ΄ωμία σ’ λάλ’ μεν κι ας λαλώ σεν.